Вечерва во концертната сала „Ватрослав Лисински“ во Загреб, Хрватска се оддржа извлекувањето на групите за претстојното 2025 IHF Men’s World Championship кое ќе се оддржи во Хрватска, Данска и Норвешка во периот од 14.01.2025 до 02.02.2025 година.
Сениорската машка репрезентација на извлекувањето беше сместена во третот шешир, а за противници ги доби селекциите на Унгарија, Холандија и Гвинеја, а натпреварите ќе се играат во Вараждин, Хрватска.
Распоредот на натпреварите на нашите ракометари е следен:
- 15.01.2025 – МАКЕДОНИЈА – УНГАРИЈА
- 17.01.2025 – МАКЕДОНИЈА – ХОЛАНДИЈА
- 19.01.2025 – МАКЕДОНИЈА – ГВИНЕЈА
Најдобрите три репрезентации од секоја група ќе обезбедат пласман во главната фаза, додека четвртата репрезентација ќе биде дел од Президент Куп. Нашата група Д вкрстува со групата Ц во која се репрезентации Франција, Австрија, Катар и Кувајт.
