Сениорската машка репрезентација на Македонија е дел од група 1 заедно со репрезентациите на Португалија, Турција и Луксембург во квалификациите за пласман на Европското Првенство 2024 кое ќе се одржи во период од 10 – 28 Јануари 2024 година во Германија.

Денес во Берлин, Германија се одржа извлекувањето на квалификациските групи за пласман на EHF EURO 2024. Македонија беше извлечена од вториот шешир во Групата 1 заедно со селекциите на Португалија, Турција и Луксембург. Пласман на EHF EURO 2024 обезбедуваат првите две репрезентации од сите групи, како и четири најдобро рангирани репрезентации кои ќе завршат на третото место во групите.

Група 1: Португалија, Македонија, Турција, Луксембург
Група 2: Норвешка, Србија, Словачка, Финска
Група 3: Исланд, Чешка, Израел, Естонија
Група 4: Австрија, Украина, Романија, Фарски Острови
Група 5: Хрватска, Холандија, Грција, Белгија
Група 6: Унгарија, Швајцарија, Литванија, Грузија
Група 7: Словенија, Црна Гора, Босна и Херцеговина, Косово
Група 8: Франција, Полска, Летонија, Италија