Вечерва во СЦ „Борис Трајковски” кадетската селекција на Македонија беше поуспешна од селекцијата на Узбекистан со резултат 39:30.
Уште на стартот на натпреварот ракометарките на Узбекистан успеаа да наметнат свој начин на игра и ги казнуваат сите грешки на противничките ракометарки. Ракометарките на Узбекистан го имаа и најголемото водство 2:7 а потоа и 3:8. Следеше серија на Македонија преку Борјана Коцева и Емилијана Ризоска за намалување на негативата на два погодока 7:9. Првото изедначување на натпреварот беше во 23-тата минута, а резултатот беше 13:13, а потоа преку погодоците на Ризоска и Јанкуловска дојдовме до позитивен резултат и на полувремето резултатот гласеше 20:19.
![](https://macedoniahandball.com.mk/wp-content/uploads/2022/08/IMG-483f80aacb72814873159f6ec780a73f-V.jpg)
![](https://macedoniahandball.com.mk/wp-content/uploads/2022/08/IMG-267b990915e629c6f58b7159b461f8bb-V.jpg)
![](https://macedoniahandball.com.mk/wp-content/uploads/2022/08/IMG-29e103968fdfc86b815a3116ef97d9ef-V.jpg)
![](https://macedoniahandball.com.mk/wp-content/uploads/2022/08/IMG-0f065d69b88676159d1005bd916dd8f9-V.jpg)
Ракометарките на Македонија во второто полувреме постојано имааа контрола врз резултатот, водството на македонскиот тим не беше загорзено до крајот на натпреварот. Конечен резултат на натпреварот 39:30.
Бојана Коцева со девет погодоци беше најефикасна за нашата селекција, потоа Емилијана Ризоска постигна осум погодоци која беше прогласена и за МВП на натпреварот, а Марија Јанкуловска постигна шест погодоци. За селекцијата на Узбекистан најефикасна беше Еркабаева со девет погодоци.
![](https://macedoniahandball.com.mk/wp-content/uploads/2022/08/IMG-b687a22cde0e1c756ebb0b1a822d675b-V.jpg)
![](https://macedoniahandball.com.mk/wp-content/uploads/2022/08/IMG-01739f28863ef938b309eddb72655f3e-V.jpg)
![](https://macedoniahandball.com.mk/wp-content/uploads/2022/08/IMG-405fdfb615a6f0f680816eb3e3dc386b-V.jpg)
На 02.08.2022 во 20:30 часот кадетките го играат третиот натпревар на 2022 IHF Women’s Youth World Championship против селекцијата на Иран.
Натпреварот ќе се одигра во СЦ „Борис Трајковски”, влез слободен.