Наши пријатели

ЖРК Куманово освојувач на Купот на Македонија во женска конкуренција

Викендов во салата „Автокоманда“ во Скопје се одржа Фајнл Фор турнирот во Куп на Македонија во женска конкуренција. Во финалната средба, ЖРК Куманово го совлада ЖРК Вардар со 26-18 на полувреме 12:09 и се закити со златниот медал.

Ракометарките на ЖРК Вардар успеваа да одржат резултатска неизвесност само во првите 10 минути од натпреварот, кога имаа и водство од 01-03 па 03:05, но веднаш потоа следуваше серија на ЖРК Куманово од 4-0, за водство кое не го испуштија до крајот. На полувреме се замина со 12:09 за ЖРК Куманово, а разликата продолжи да се зголемува и во второто полувреме за конечни и убедливи 26-18 за ЖРК Куманово.

На церемонијата што се одржа по завршувањето на финалето, пехарот го додели Претседателот на Ракометната Федерација на Македонија, г-дин Живко Мукаетов.

Доделени беа и индивидуалните признанија:
Најкорисен играч (МВП): Ангела Јанкуловска (ЖРК Куманово)
Најдобар стрелец: Ангела Јанкуловска (ЖРК Куманово)
Најдобар голман: Андреа Илиќ (ЖРК Вардар)

Слични вести

Ракометна Федерација на Македонија, бул. "Кузман Јосифовски - Питу" бр. 15, 1000 Скопје © 2015 Copyright