Убедлива победа на сениорите над Чешка и пласман на ЕП од првото место во групата

Убедлива победа на сениорите над Чешка и пласман на ЕП од првото место во групата

Сениорската машка репрезентација на Македонија на најдобар начин ги заврши квалификациите за ЕП Хрватска 2018. Избраниците на Раул Гонзалез пред преполните трибини на ВИП Арена „Борис Трајковски“ одиграа фантастичен меч против Чешка и со убедлив триумф од 33-20 обезбедија пласман на континенталниот собир од првото место во квалификациската група.

Само почетокот на натпреварот донесе резултатска неизвесност, но од моментот кога со голот на Кирил Лазаров, Македонија поведе со 8-7, до крајот на средбата веќе не го испушти водството во ниту еден момент. На пауза за полувреме се замина со веќе високи 6 гола разлика за Македонија (16-10), а нашите репрезентативци одиграа одлично тимски и во второто полувреме во кое доминираа на двата краја од теренот. Разликата постојано се зголемуваше за конечни и заслужени 33-20.

Кирил Лазаров и на оваа средба беше прв стрелец во нашиот тим со 11 постигнати голови и со нив стигна до вкупна бројка од 59 голови во квалификациите што го прават убедливо најдобар реализатор, пред Вуко Борозан од Црна Гора со 50 и Дамиан Кеѕиора со 41 гол.

Покрај Лазаров, во листата на стрелци во нашиот состав се запишаа и Манасков со 6, Пешевски со 4, Филип Лазаров со 3, Георгиевски и Талески кои постигнаа по 2 гола, како и Кузмановски, Миркуловски, Митков, Стоилов и голманот Митревски кои беа реализатори на по 1 гол. Одличен натпревар имаше и Борко Ристовски кој забележа 16 одбрани во 50-те минути кои ги мина на теренот, а впечатлив настап имаше и Митревски кој го зачини и со постигнатиот погодок.

selfi

На втората средба од нашата група, Исланд славеше над Украина со 34-26, по што Македонија го освои првото место во групата со 7 бодови, Чешка е втора со 6, исто толку освои и Исланд на третото место, додека Украина ги заврши квалификациите на последното место со 5 бодови. Покрај Македонија и Чешка како две првопласирани селекции, на ЕП во Хрватска ќе патува и Исланд, како најдобра третопласирана екипа од сите квалификациски групи.

Инаку, пред почетокот на средбата со Чешка, Претседателот на РФМ, Живко Мукаетов и Генералниот Секретар Филип Милошевски му врачија врамен дрес на Влатко Митков, кој со овој меч ја заврши репрезентативната кариера. Митков беше отпоздравен од бројните фанови на трибините со силен аплауз во знак на благодарност за долгогодишните настапи во црвено-жолтиот дрес.

IMG_2263

Сподели:
Share on facebook
Facebook
Share on twitter
Twitter
Share on linkedin
LinkedIn

Останати вести

Информација за медиуми

Почитувани, Ракометна Федерација на Македонија (РФМ) работи, постапува и одлучува единствено согласно утврдените

Информација

Почитувани, Ве информираме Управниот Одбор на Ракометната Федерација на Македонија, согласно Член 35,