Сениорите убедливи против Саудиска Арабија на пријателската средба во Белград

Сениорите убедливи против Саудиска Арабија на пријателската средба во Белград

Со високо водство во текот на целата средба, нашата сениорска машка репрезентација убедливо ја совлада Саудиска Арабија со 37-21 на пријателскиот натпревар што денеска се одигра во Белград.

Само во првите пет минути од средбата резултатот беше неизвесен, кога Македонија со погодоците на Лазаров, Манасков и Георгиевски се одлепи на 9-5 и до крајот од средбата само го зголемуваше водството. Во последните 10 минути од првото полувреме Македонија направи серија од 7-1 и на пауза замина со предност од 19-11.

Разликата продолжи да се зголемува и на стартот на второто полувреме, кога со одлична игра во одбраната и лесна реализација од контра-напади, нашата селекција поведе и со највисоки 30-14. Рутинската завршница на натпреварот ги донесе конечните 37-21.

Македонија – Саудиска Арабија 37-21 (19-11)
Стрелци за Македонија: Талески 5, Ојлески 5, Поповски 4, Манасков 3, Лазаров Кирил 3, Маркоски Никола 3, Георгиевски 3, Кузмановски 3, Стоилов 2, Пешевски 2, Велковски 2, Лазаров Филип 1, Миркуловски 1

Избраниците на Раул Гонзалез утре ја играат и втората пријателска средба во Белград која воедно ќе биде и последна подготвителна пред Европското Првенство во Хрватска. Противник на нашите сениори утре ќе им биде домаќинот Србија на натпревар што ќе се игра во СЦ Вождовац. Средбата почнува од 18:00 часот.

Сподели:
Share on facebook
Facebook
Share on twitter
Twitter
Share on linkedin
LinkedIn

Останати вести

ИЗВЕСТУВАЊЕ

Управниот Одбор на Ракометната Федерација на Македонија донесе Одлука по пристигнато барање од

Известување до медиуми

Ракометната Федерација на Македонија Ве информира дека апликациите за акредитирање на претставниците на медиумите за