Селекторот на женската сениорска ракометна репрезентација, Кристијан Грчевски го објавува поширокиот список на ракометарки за претстојните натпревари со репрезентацијата на Шпанија во рамки на Women’s EHF EURO 2024 Qualifiers за пласман на WOMEN’S EHF EURO 2024.
WOMEN’S EHF EURO 2024 ќе се оддржи во Австрија , Унгарија и Швајцарија во период од 28 ноември до 15 декември.
Досега во квалификациите нашата сениорска женска репрезентација запиша две победи во исто толку натпревари. Во првото квалификациско коло сениорките запишаа убедлива победа на домашен терен против репрезентацијата на Азербејџан, а во следното коло запишаа и гостинска победа против репрезентацијата на Литванија.
За сениорската женска селекција следат натпреварите од 3-то и 4-то од квалификациите за пласман на WOMEN’S EHF EURO 2024 а за противник ја имаме репрезентацијата на Шпанија.
Сениорките прво ќе оддиграат натпревар на домашен терен во СЦ Борис Трајковски на 29.02 во 18:00 часот , а потоа ќе гостуваат во Шпанија во градот Ланзароте. Натпреварот ќе се оддигра на 03.03 во 17:00 часот.
