Пораз од Словенија во четвртиот натпревар на EHF EURO CUP 2022

Пораз од Словенија во четвртиот натпревар на EHF EURO CUP 2022

Вечерва во СЦ “Борис Трајковски” сениорките го одиграа четвртиот натпревар од EHF EURO CUP против Словенија и забележаа пораз со резултат 20:27.

Нашите ракометарки лошо го отворија натпреварот и никако не можеа да се вратат во игра ниту пак да ја повторат играта од претходната пресметка со Словенија. Со погодокот на Гичевска поведовме со 1:0, но тоа беше и последно водство на нашите сениорки.

Ракометарките на Словнија постојано имаа контрола врз резултатот, а нивното најголемо водство беше со три погодоци, водеа со 3:6, 8:5. Сениорките на дозволија поголемо водство на противничките и со погодокот на Гичевска во 28-та минута го изедначивме резултатот на 11:11. Сепак до крајот на полувремето не успеавме да реализираме два напада и на полувреме се замина со резултат 11:13 во корист за Словенија.

Второто полувреме започна со многу подобра игра и поорганизирана и поцрвста игра во одбрана на Словенија, а таа игра резултираше со зголемување на нивното водство. Водството на Словенија изнесуваше шест, седум погодоци 12:19, 17:24. Македонските репрезентативки до крајот на натпреварот и покрај обидите не успеаа да го намалат водството, натпреварот заврши 20:27.

За репрезентацијата на Македонија најефикасни ракометарки беа Сара Ристовска со 8 погодоци, потоа Леонида Гичевска со 4 погодоци, а Јована Мицевска го заврши натпреварот со 6 одбрани. За селекицијата на Словенија најефикасени ракометарки беа Ана Грос со 8 погодоци, потоа Нина Зулиќ со 5 погодоци.

Сподели:
Facebook
Twitter
LinkedIn

Останати вести

Селекторот на машката сениорска ракометна репрезентација Кирил Лазаров го објавува поширокиот список на ракометари за претстојните натпревари во рамки на Men’s EHF EURO 2024 Qualifiers

Селекторот на машката сениорска ракометна репрезентација, г-дин Кирил Лазаров го објавува поширокиот список