Машката сениорска репрезентација поразена во првиот од двата натпревари во баражот за пласман на Men’s World Championship 2025. Конечниот резултат на средбата беше 34:27 во корист на ракометарите на Фарски Острови.
Сениорите лошо го започнаа натпреварот и по шест оддиграни минути имаа негатива од четири погодоци, резултат беше 6:2. Први поведоа ракометарите на Фарски Острови преку нивниот најдобар ракометар Елиас Скипаготу и воедно и најефикасниот играч на натпреварот со десет постигнати погодици. Ракометарите на Фарски Острови имаа константа предност од три или четири погодока. Нашите ракометари на полувреме имаа негатива од четири погодоци (18:14).
Во второто полувреме ракометарите на Фарски Острови со одлична игра во нападот и одбраната своето водство го зголемуваа и во 39-та минута од натпреварот имаше осум погодоци предност (26:18), а погодокот го постигна Митун. Нашите ракометари до крајот од натпреварот успеаа да ја намалат негативата и конечениот резултат на натпреварот беше 34:27 во корист на ракометарите на Фарски Острови.
Листата на стрелци за нашата селекција ја водеше Кузмановски Филип со осум постигнати погодоци, следеа Митев Марко и Костески Никола кои постигнаа по пет погодоци, додека за противниците најефикасен ракометар беше Елиас Скипаготу со десет постигнати погодоци, а по шест погодоци постигнаа Митун и Теигум.
Реванш натпреварот ќе се оддигра во Скопје во СЦ “Борис Трајковски” на 12.05.2024 (недела) со почеток во 19:00 часот.
