НАЈАВА ЗА ПАРИЧНИ ПРЕМИИ ЗА СЕНИОРСКАТА МАШКА РАКОМЕТНА РЕПРЕЗЕНТАЦИЈА ЗА НАСТАПИТЕ НА ЕХФ ЕУРО 2018 ВО ХРВАТСКА

НАЈАВА ЗА ПАРИЧНИ ПРЕМИИ ЗА СЕНИОРСКАТА МАШКА РАКОМЕТНА РЕПРЕЗЕНТАЦИЈА ЗА НАСТАПИТЕ НА ЕХФ ЕУРО 2018 ВО ХРВАТСКА

На завршниот состанок на управата и стручниот штаб на Ракометната Федерација на Македонија со машките репрезентативни сениори непосредно пред поаѓањето за ЕП2018 во Хрватска, Претседателот на РФМ, г. Живко Мукаетов најави парични премии за репрезентативците за настапите на претстојниот континентален собир.

Имено, Мукаетов најави премија од 30.000 евра за репрезентацијата доколку се оствари пласман во втората фаза од првенството и дополнителни 30.000 евра (или вкупно 60.000 евра) доколку А-тимот обезбеди пласман на некое од првите 6 места на првенството. Доколку машките сениорски репрезентативци пак успеат да стигнат до полу-финалето на ова првенство (пласман во топ 4), Претседателот на РФМ вети премија од дополнителни 40.000 евра или вкупно 100.000 евра за ваков висок пласман на шампионатот.

По исполнување на (некој од) горе наведените услови, споменатите предлози за парични премии ќе бидат предложени за верификација до Управниот одбор на Федерацијата.

Сениорската машка репрезентација на Македонија од вчера е во Загреб каде веќе го одработи и првиот тренинг. Првиот меч нашите ракометари го играат во сабота (13 јануари 2018 година) во 19:30 часот,  против селекцијата на Словенија.

РАКОМЕТНА ФЕДЕРАЦИЈА НА МАКЕДОНИЈА
12 јануари 2018 г.

Сподели:
Share on facebook
Facebook
Share on twitter
Twitter
Share on linkedin
LinkedIn

Останати вести

Информација за медиуми

Почитувани, Ракометна Федерација на Македонија (РФМ) работи, постапува и одлучува единствено согласно утврдените

Информација

Почитувани, Ве информираме Управниот Одбор на Ракометната Федерација на Македонија, согласно Член 35,