Во недела (11 септември) во Спортска сала „Билјанини извори“ во Охрид ќе се одигра Супер Куп натпреварот за сезона 2021/22 помеѓу екипите на РК Вардар 1961 и РК Еурофарм Пелистер.

Организатор ќе биде ГРК Охрид заедно со Ракометната Федерација на Македонија (РФМ).

Шампионот на минатогодишното првенство, екипата на РК Вардар 1961, ќе се сретне со финалистот од Купот на Македонија 2022, тимот на РК Еурофарм Пелистер од Битола.

Двете екипи минатата сезона се сретнаа во финалето од Супер Куп на Македонија што се играше во Скопје во СЦ „Борис Трајковски“, а на таа средба славеше РК Еурофарм Пелистер со резултат 22:31.