Вардар по 12 пат го освои Купот на Македонија

Вардар по 12 пат го освои Купот на Македонија

Ракометарите на Вардар го совладаа Еурофарм Работник во финалето од Купот на Македонија 2017 и четврта година по ред го освоија престижниот трофеј од ова натпреварување.

Иако домашниот тим во салата „Младост“ успеваше да одржи резултатска неизвесност во првите 10 минути од првото полувреме, Вардар со серија од 4-0 поведе со 10-7 и од тој момент па до крајот на средбата не го испушти водството. На полувреме се замина со водство на скопјани од 16-13, па иако Еурофарм успеа да се доближи до 18-16, Вардар направи нова серија од 5-0 со која го реши победникот. Во рутинската завршница, избраниците на Раул Гонзалез остварија конечен триумф од 31-26.

Иван Чупиќ со 8 голови беше најпрецизен во победничкиот тим, а меѓу поистакнатите беа и Циндриќ и Дујшебаев со по 5 голови, како и Деревен и Карачиќ кои постигнаа по 4 гола. Кај Еурофарм Работник, Филип Чурлевски беше реализатор на 7 погодоци.

На патот до финалето, во првиот ден од Фајнл Фор турнирот, Еурофарм Работник беше сигурен против Охрид совладувајќи го со 26-18, додека Вардар во крајно неизвесен втор полуфинален натпревар го совлада Металург со 31-30.

По завршувањето на Фајнл Фор турнирот, доделени беа и индивидуалните признанија. Градимир Чаневски од Еурофарм Работник го доби признанието за најдобар голман, а Филип Чурлевски, исто така од Еурофарм Работник, со вкупно 12 постигнати голови беше најдобар стрелец. За најкорисен играч на турнирот (МВП) избран беше Лука Циндриќ од Вардар.

Ова беше 12 трофеј на Вардар во 25-то издание на Купот на Македонија, со што се зацврстува на првата позиција како најтрофеен клуб. Пелистер и Металург го делат второто место со по 5 освоени трофеи.

(Фото: Филип Вирановски, Gol.mk)

Сподели:
Share on facebook
Facebook
Share on twitter
Twitter
Share on linkedin
LinkedIn

Останати вести

Информација

Почитувани спортски пријатели, Ве известуваме дека за ракометниот натпревар во рамките на ЕХФ

Информација до медиуми

Почитувани претставници на медиумите, Ракометната Федерација на Македонија Ве информира дека апликациите за акредитации