Наши пријатели

Прва победа на сениорите на СП во Египет

Репрезентацијата на Македонија во последниот натпревар од прелиминарната групна фаза на СП, забележа победа против репрезентацијата на Чиле со резултат 32:29.

mkd-cile

На денешниот меч, противникот имаше резултатска контрола и тесно водство од гол два разлика во првите 20 минути од натпреварот. Македонија направи пресврт, повреде во неколку наврати, но на полувреме се замина со гол негатива (17:16 за Чиле).

Во вториот дел Македонија предводена од расположените голмани пред се и со запазена улога на Лазаров и Пешевски во нападот, направи пресврт, поведе и со четири гола водство (27:23) во 47-та минута, водство кое репрезентацијата успеа да го зачува до крај на натпреварот (32:29).

mkd-cile2

Најефикасни ракометари во Македонската репрезентација беа Кирил Лазаров со осум погодоци, а по пет постигнаа Жарко Пешевски и Ненад Костески. За селекцијата на Чиле најефикасени ракометари беа Себаљос Себастијан, Феучман Ервин и Салинас Родриго со по седум постигнати погодоци.
Со оваа победа Македонија се пласираше во главната рунда (група 4) од првенството каде што ќе игра против репрезентациите на Русија, Белорусија и Словенија.

mkd-cile1

 

Слични вести

Ракометна Федерација на Македонија, бул. "Кузман Јосифовски - Питу" бр. 15, 1000 Скопје © 2015 Copyright