Младинската машка репрезентација со победа го започна своето учество на MEN’S 20 EHF EURO 2024 кое се оддружува во Словенија. Нашите млади ракометари се дел од групата А заедно со Црна Гора, Хрватска и Австрија.

Денес во СС „Златорог Арена“ во Целја, Словенија нашата младинска селекција славеше убедлива победа против селекција на Црна Гора со резултат 21:31.

Првиот напад на натпреварот го имаа ракометарите на Црна Гора кои успешно го реализираа и го имаа почетното водство, но веднаш потоа следеше серија од четири погодоци на нашите младинци и резултатот беше 1:4 во третата минута од натпреварот, Мирче Калајџиевски беше непогрешлив во нападот а Иван Галевски беше несовладлив на голот. Ракометарите на Црна Гора успеаа резултатски да се вратат но следеа петнаесетина минути во кои не можеа да постигнат погодок, а сето тоа беше искористено од нашите ракометари за запишување на најдоголемо водствто 3:10. Нашите млади ракометари го задржаа водството и на полувреме се замина со резултат 5:12.

Во второполувреме ракометарите на Македонија го зголемуваа водството преку Субашевски, Калајџиевски и Узунчев додека нашите голмани Галевски и Брестовац беа несовладливи на голот, конечен резултат на натпреварот беше 21:31.

Најрасполежен ракометар во нашиот табор беше Димитар Узунчев кој постигна осум погодоци а беше прогласен и за МВП на натпреварот.

Следат натпреватите против Хрватска кој ќе оддигра утре со почеток во 12:00 часот , а потоа и со Австрија.