Македонската Јуниорска репрезентација (У20) вечерва со почеток од 19:30 часот го почнува настапот на Квалификациите за ЕП што се играат во Шафхаузен, Швајцарија. Прв противник на избраниците на Александар Јовиќ е домаќинот, репрезентацијата на Швајцарија.

По одработените подготовки во Скопје, во кои имаа можност да одиграат и неколку пријателски натпревари Јуниорите викендов ќе ги одиграат трите натпревари од квалификациската група за Европското Првенство. На отворањето, се среќаваме со селекцијата која е издвоена како прв фаворит во групата, додека во преостанатите две средби во сабота и недела, играме против Фарски Острови и Црна Гора.

Најдобропласираните две репрезентации од групата ќе обезбедат пласман на ЕП. Пренос во живо (Live Stream) од сите натпревари ќе може да се проследи на: http://handballtv.ch/sport/handballTV