Македонската женска младинска репрезентација (У20) денеска отпатува за Франција каде во периодот од петок до недела ќе настапи на квалификацискиот турнир за Светското Првенство 2016 година.
Избраничките на Симе Симовски, по подготовките во Скопје во текот на оваа седмица, утре го отвораат турнирот со натпреварот против Израел, а во сабота и недела ќе се сретнат уште со Словенија и домаќинот Франција. Само најдобропласираната екипа обезбедува учество на Светското Првенство. Првите два натпревари ги играме во терминот од 14:30 часот, додека мечот од последното коло против Франција е закажан да почне од 15:00 часот.
Распоред на натпревари:
18.03.2016 (14:30) Македонија – Израел
19.03.2016 (14:30) Македонија – Словенија
20.03.2016 (15:00) Македонија – Франција
