ЖРК Металург е шампион во младинска женска лига

ЖРК Металург е шампион во младинска женска лига

Екипата на ЖРК Металуег е шампион во младинска женска лига за сезона 2021/2022.

Денес во Куманово во салата Перо Наков се одиграа полуфиналните и финалните натпревари од Ф4 турнирот во младинска женска лига. Екипи кои учествуваа во младинскиот женски Ф4 беа екипите на ЖРК Вардар, ЖРК Куманово, ЖРК Металург и ЖРК Чаир.

Младинскиот женски Ф4 започна во 10:30 часот со натпреварот ЖРК Куманово – ЖРК Вардар. Ракометарките на ЖРК Куманово беа поуспешни во овој дуел со резултат 27:26 иако на полувремето водство од два погодока имаа ракометарките на ЖРК Вардар, а погодокот за победа го постигаа по истекот на регуларното време односно по изведување на слободен удар.

Вториот полуфинален натпревар беше помеѓу екипите на ЖРК Металург и ЖРК Чаир. Ракометарките на ЖРК Чаир подобро го започнаа натпреварот и имаа водство од три погодоци, водство кое успеаа да го задржат до полувремето 19:20. Ракометарките на ЖРК Металург второто полувреме го започнаа со посигурна игра во нападот и цврста одбрана, на крај екипата на ЖРК Металург славеше победа со резултат 35:31.

Натпреварот за 3-то место се одигра помеѓу екипите ЖРК Вардар и ЖРК Чаир. Екипата на ЖРК Вардар беше поуспешна во овој натпревар и го освои 3-тото место во младинската женска лига за сезна 2021/2022 со резултат 37:25 (21:07).

Финалето на младинската женска лига започна според планираното во 20:00 часот а се сретнаа екипите на ЖРК Куманово и ЖРК Металург. Натпреварот започна изедначено, двете екипи играа гол за гол, а првото посериозно водство го имаше ЖРК Металург во 20-тата минута 04:08, ракометарките на ЖРК Куманово не успеаа да го намалат водството и на полувреме се замина со резултат 07:11. Во второто полувреме растеше предноста на ЖРК Металург и на крај славеа со резултат 26:16

Конечен пласман на Ф4:
1. ЖРК МЕТАЛУРГ
2. ЖРК КУМАНОВО
3. ЖРК ВАРДАР
4. ЖРК ЧАИР

По завршување на натпрварот беа доделени и индивидуалните признаниа:

МВП
ИВАНА АРСЕНИЕВСКА – ЖРК МЕТАЛУРГ
Најдобар стрелец
СТЕФАНИЈА ЃЕОРЃИЕВСКА – ЖРК ЧАИР
Најдобар голман
АНАСТАСИЈА ТОДОРОВ – ЖРК МЕТАЛУРГ

Сподели:
Facebook
Twitter
LinkedIn

Останати вести

Информација до медиуми

Почитувани претставници на медиумите, Ракометната Федерација на Македонија Ве информира дека апликациите за

Известување

Почитувани, Согласно член  32, 34, 35, 38, од Статутот на Ракометната Федерација на