Наши пријатели

Македонија со победа ги заврши квалификациите за ЕП 2022

Сениорската ракометна репрезетација на Македонија во последниот натпревар од квалификациската фаза за пласман на Men’s EHF EURO 2022, забележа победа против репрезентацијата на Швајцарија со резултат 29:28.

Швајцарија имаше водство во поголемиот дел од првото полувреме, а највисоката предност од три погодоци 05:08 во шестнаесетата минута од натпреварот, па 08:11 во дваесет и првата минута. Сениорите со ефикасен напад и поцврста одбрана успеа во крајот на полувреме да го изедначи резултатот 16:16.

Егал натпрева следеше во вториот дел, се играше изедначено, ниедна од репрезентациите не успеа да направи значајна разлика во резултатот. Во четириесетата минута сениорите го превземаа водството 19:18 кое не го испуштија до крајот од натпреварот. Во некоку наврати ракометарите на Швајцарија успеваа да стигнат до гол разлика, но никако не успеаа да стигнат до посакуваниот резултат, на крај средбата заврши со победа за Македонија 29:28.

За Македонија најефикасни ракометари беа Филип Кузмановски и Кирил Лазаров со по шест постигнати погодоци, и Никола Митревски со 16 одбрани, додека за репрезентацијата на Швајцарија листата на стрелци ја предводеше Рубин Лени со девет подоци, потоа Анди Шмид со осум погодоци.

Македонија ќе биде дел од третио шешир во ждребот за Men’s EHF EURO 2022 што ќе се одржи во Унгарија и Словачка. Ждребката е закажана за 06.05 (четврток) во 18:00 часот.

Слични вести

Ракометна Федерација на Македонија, бул. "Кузман Јосифовски - Питу" бр. 15, 1000 Скопје © 2015 Copyright