Наши пријатели

РК Вардар ја одбрани титулата во СЕХА

Актуелниот Македонски шампион го одбрани трофејот во СЕХА лигата, совладувајќи го Загреб во „Викторија Арена“ во Брест, со резултат 26-23, на полувреме 14-12 за Вардар.

Со оваа победа избраниците на Роберто Парондо се најдобриот тим во историјата на СЕХА лигата со пет трофеи, три во низа.

Прогласени се и најдобрите ракометари на финалниот турнир одржан во Брест.

Голман: Дејан Милосављев (Вардар)
Лево крило: Тимур Дибиров (Вардар)
Лев бек: Дамир Бичаниќ (ППД Загреб)
Среден бек: Сандро Обрановиќ (Мешков)
Десен бек: Даинис Криштопанс (Вардар)
Десно крило: Златко Хорват (Загреб)
Пивот: Столе Стоилов (Вардар)

Дефанзивец: Павел Хорак (Мешков Брест)
МВП: Даинис Криштопанс (Вардар)

По успешната завршница на регионалното натпреварување, РК Вардар продолжува со предизвиците во домашното првенство и домашниот куп, како и во лигата на шампионите, каде во четвртфиналето за противник го има тимот на Пик Сегед.

Извор: www.seha-liga.com

Слични вести

Ракометна Федерација на Македонија, бул. "Кузман Јосифовски - Питу" бр. 15, 1000 Скопје © 2015 Copyright