Пораз на сениорките во последниот натпревар на EHF EURO CUP 2022

Пораз на сениорките во последниот натпревар на EHF EURO CUP 2022

Вечерва во Надерун Арена во Бекесутра, Норвешка сениорките го одиграа последниот натпревар од EHF EURO CUP 2022 против репрезентацијата на Норвешка и забележаа пораз со резултат 32:27, на полувреме 14:14.

Натпреварот го почнавме добро и храбро и ниту една од двете репрезентации не успеа резултатски да се одлепи. Почетокот на натпреварот беше во корист на ракометарките на Норвешка кои имаа минимално водство од 2:1, па 4:3, но до средината на првото полувреме резултатската контрола беше на страната на нашата репрезентација и имавме водство од 6:8, па 8:10 со погодоците на Јована Саздовска, но не успеавме да го задржиме до крајот на полувремето. На полувреме се замина со резултат 14:14.

Само еднаш го израмнивме резултатот на 17-17 на стартот на вториот дел, потоа следеше серија од 5:1 во корист на репрезентација на Норвешка. На средина на второ полувреме, имавме неколку нереализирани напади и технички грешки кои ракометарките на Норвешка постојано ги користеа. Македонските репрезентативки до крајот на натпреварот и покрај обидите не успеаа да го намалат водството, натпреварот заврши 32:27.

За Македонија најефикасна ракометарка беше Сања Дабевска со пет постигнати погодоци, а Сара Ристовска, Моника Јаневска и Леонида Гичевска постигаа на четири погодоци, додека за селекцијата на Норвеша најефикасна ракометарка беше Сирум Кристина со девет погодоци.

Сподели:
Share on facebook
Facebook
Share on twitter
Twitter
Share on linkedin
LinkedIn

Останати вести

ИЗВЕСТУВАЊЕ

Управниот Одбор на Ракометната Федерација на Македонија донесе Одлука по пристигнато барање од

Известување до медиуми

Ракометната Федерација на Македонија Ве информира дека апликациите за акредитирање на претставниците на медиумите за