Одредени 17-те ракометари што ќе патуваат за Чешка

Одредени 17-те ракометари што ќе патуваат за Чешка

Селекторот на Сениорската машка репрезентација на Македонија, Лино Червар, ги соопшти имињата на 17-те ракометари што во петок ќе патуваат за Злин, за првиот натпревар од двомечот против Чешка за пласман на СП 2017 година.

Од листата од 20 ракометари со кои Червар ги работеше последните тренинзи во СРЦ „Кале“, последни отпаднаа Златко Даскаловски, Никола Костески и Милорад Кукоски. По завршувањето на средбата во Злин, односно со продолжувањето на тренинзите за реванш-натпреварот во Скопје, овие тројца ракометари ќе продолжат со тренинзите и рамноправно со сите останати играчи ќе конкурираат за место во составот на втората средба.

Репрезентацијата на Македонија за Злин патува во петок рано изутрина во 08:00 часот, а натпреварот ќе се одигра во сабота од 12:30 часот. Веднаш по завршувањето на средбата, нашиот состав се враќа во Скопје, каде од недела ќе продолжи со редовните тренинзи. Реванш натпреварот од баражот за СП 2017 година ќе се одигра во среда (15 јуни) во ВИП Арена „Борис Трајковски“ од 20:00 часот.

Ракометари што патуваат за Злин, за прв натпревар од бараж за СП:
Голмани: Борко Ристовски, Никола Митревски
Бекови: Кирил Лазаров, Наумче Мојсоски, Немања Прибак, Филип Лазаров, Влатко Митков, Филип Талески, Филип Миркулоски, Аце Јоноски, Велко Марковски
Крила: Дејан Манасков, Гоце Георгиевски, Гоце Ојлески
Пикери: Стојанче Стоилов, Жарко Пешевски, Никола Маркоски

Фото: Sportmedia.mk

Сподели:
Share on facebook
Facebook
Share on twitter
Twitter
Share on linkedin
LinkedIn

Останати вести

Информација

Почитувани спортски пријатели, Ве известуваме дека за ракометниот натпревар во рамките на ЕХФ

Информација до медиуми

Почитувани претставници на медиумите, Ракометната Федерација на Македонија Ве информира дека апликациите за акредитации