Селекторот на сениорската машка ракометна репрезентација, Ивица Обрван го соопшти списокот од 20 ракометари кои ги повика за стартот на подготовките за Квалификацискиот турнир за ЛОИ 2016.
Првиот собир ќе се одржи на 1 април 2016 година во хотелот „Русија“ во Скопје, со почеток од 19:00 часот.
Нашата сениорска машка репрезентација во периодот од 8 до 10 април 2016 ќе настапи на Квалификацискиот турнир за Олимписките Игри што ќе се игра во Гданск, Полска. Во квалификациската група ќе се сретнеме со репрезентациите на Тунис, Чиле и домаќинот Полска. Најдобро-пласираните две репрезентации од групата ќе обезбедат учество на Олимписките игри во Рио.
