Младинките поразени од фаворитот Унгарија во полуфиналето од турнирот во Будимпешта

Младинките поразени од фаворитот Унгарија во полуфиналето од турнирот во Будимпешта

Младинската женска ракометна репрезентација на Македонија, во склоп на Фајнл Фор турнирот во женската Лига на Шампиони, настапува на меѓународен турнир во Будимпешта. Во полуфиналната пресметка со домаќинот, Македонија загуби со 37-20.

Селекцијата на Унгарија, која важи за еден од главните фаворити за трофејот на претстојното ЕП во Словенија во оваа младинска конкуренција и која е освојувач на бронзениот медал од последното ЕП, во второто полувреме ја направи разликата која ја доведе до висока победа. По првото полувреме, избраничките на Борче Марковски имаа негатива од 2 гола (14-12).

Најефикасна во нашиот тим на овој прв натпревар беше Леонида Гичевска со 5 погодоци, а 4 додаде Мери Арсениевска. Стрелци на по 2 гола беа Анастасија Николовска, Ања Велкова и Сара Стефановска, додека по еден погодок постигнаа уште Гугуљанова, Камческа, Божиновска, Граматова и Гајиќ.

Натпреварот за третото место на турнирот во Будимпешта ќе се игра во недела од 10:30 часот, а противник на нашата селекција ќе биде Црна Гора.

Инаку, овој турнир е во склоп на подготовките на нашите младинки за настап на Европското Првенство што летово ќе се игра во Словенија. Македонија се наоѓа во групата Б заедно со селекциите на Русија, Хрватска и Норвешка.

Сподели:
Facebook
Twitter
LinkedIn

Останати вести

Информација

Во рамки на IHF Неделата за едукација на ракометни тренери и ракометни судии, во организација на International

Тренер/Селекторот на женската кадетска ракометна репрезентација Јулијана Дамчевска го објавува списокот на повикани ракометарки за претстојното WOMEN’S 19 EHF EURO

Тренер/Селекторот на женската кадетска ракометна репрезентација, г-ѓа Јулијана Дамчевска го објавува списокот на

Информација

Почитувани, Ве известуваме, во делот на спроведување на програмските активности, а согласно член 35