Македонија против Полска, Тунис и Чиле во квалификациите за ОИ во Рио

Македонија против Полска, Тунис и Чиле во квалификациите за ОИ во Рио

По комплетирањето на континенталните шампионати во текот на викендов, познати се сите репрезентации учесници во групите за квалификациските турнири за Олимписките Игри во Рио 2016 година. Македонија се наоѓа во Групата 1, каде против Полска, Тунис и Чиле ќе се бори за некое од првите две места кои носат пласман на ОИ.

Квалификацискиот турнир ќе се игра во периодот од 7 до 10 април 2016 година, а домаќинот – организатор на турнирот, дополнително ќе биде одреден.

Во меѓусебните дуели со овие противници низ историјата, нашата репрезентација против Полска има одиграно три натпревари од кои славеше на две средби а единствениот пораз го доживеа токму на последното ЕП што се играше во Краков (24-23). Позитивен учинок имаме и против Чиле, кого на единствениот меѓусебен дуел на СП во 2013 година го совладавме со 30-28, додека со Тунис резултатот е изедначен (1-1), откако Македонија славеше на последниот натпревар одигран на СП во Катар со 33-25.

Инаку, за нашата ракометна репрезентација ова ќе претставува втор Квалификациски турнир за Олимписки Игри. Македонија играше и во квалификациите за Лондон 2012, кога беше елиминирана во група со Шведска, Унгарија и Бразил.

Сподели:
Share on facebook
Facebook
Share on twitter
Twitter
Share on linkedin
LinkedIn

Останати вести

Информација

Почитувани спортски пријатели, Ве известуваме дека за ракометниот натпревар во рамките на ЕХФ

Информација до медиуми

Почитувани претставници на медиумите, Ракометната Федерација на Македонија Ве информира дека апликациите за акредитации