Македонија го почнува Европското Првенство. Прв противник – Словенија

Македонија го почнува Европското Првенство. Прв противник – Словенија

Сениорската машка ракометна репрезентација на Македонија вечерва со натпреварот против Словенија од 19:30 часот во Загребска Арена, го почнува настапот на своето петто Европско Првенство.

По одработените два тренинзи во Загреб, нашите репрезентативци се чувствуваат подготвени за предизвикот кој ги очекува. Селекторот Раул Гонзалез во Хрватска допатува со 19 ракометари, а синоќа ги одреди 16-те кои ќе настапат на првата средба:

Голмани: Борко Ристовски, Никола Митревски
Бекови: Кирил Лазаров, Филип Миркуловски, Филип Талески, Филип Лазаров, Немања Прибак, Мартин Велковски, Филип Кузмановски, Аце Јоновски
Крила: Дејан Манасков, Гоце Георгиевски, Мартин Поповски
Кружни напаѓачи: Стојанче Стоилов, Жарко Пешевски, Никола Маркоски

Последниот натпревар против селекцијата на Словенија, нашата репрезентација го одигра пред точно една година, кога во средбата од групната фаза на Светското Првенство во Франција, Словенија славеше со 29-22. Последниот меѓусебен дуел на овие две селекции на Европските Првенства се случи во јануари 2012 година, кога Македонија славеше со 28-27 во борбата за петтото место на Првенството.

Натпреварот помеѓу Македонија и Словенија вечерва почнува од 19:30 часот, а претходно во нашата група од 17:15 часот ќе се сретнат Германија и Црна Гора.

Сподели:
Facebook
Twitter
LinkedIn

Останати вести

Селекторот на машката сениорска ракометна репрезентација Кирил Лазаров го објавува поширокиот список на ракометари за претстојните натпревари во рамки на Men’s EHF EURO 2024 Qualifiers

Селекторот на машката сениорска ракометна репрезентација, г-дин Кирил Лазаров го објавува поширокиот список

Информација

Почитувани спортски пријатели, Ве информираме дека г-дин Славе Николов поради зголемен ангажман како