Кадетките поразени и во втората подготвителна средба со Бугарија

Кадетките поразени и во втората подготвителна средба со Бугарија

Кадетската женска репрезентација на Македонија (до 17 години) загуби и во вториот подготвителен натпревар во Бугарија против домашната селекција. По синоќешната резултатски тесна средба, денеска Бугарија славеше со 28-20.

Селекторот Јулијана Дамчевска ја искористи можноста и повеќе да ротира со составот и да разгледа различни тактички варијанти кои би можеле да и послужат за време на ЕХФ Шампионатот што ќе се игра во Скопје во периодот од 31 јули до 6 август 2017 година.

Денешниот натпревар имаше сличен почеток како вчерашниот, со благо водство на Бугарија, но за разлика од вчера, домаќинот денеска го доби и крајот на првото полувреме кое заврши со резултат 14-8. Ја поправија играта во нападот нашите ракометарки во второто полувреме, сепак Бугарија повторно дојде до ситуација да постигне 4 голови во низа и со тоа да го реши победникот на мечот. Резултатски мирните последни минути ги донесоа конечните 28-20 за Бугарија.

По овој втор натпревар нашите кадетки се враќаат во Скопје каде ќе продолжат со подготовките за ЕХФ Шампионатот. Турнирот ќе се игра во СРЦ „Кале“, а Македонија е во група со Полска, Швајцарија, Грција и Фарски Острови.

Сподели:
Facebook
Twitter
LinkedIn

Останати вести

Селекторот на машката сениорска ракометна репрезентација Кирил Лазаров го објавува поширокиот список на ракометари за претстојните натпревари во рамки на Men’s EHF EURO 2024 Qualifiers

Селекторот на машката сениорска ракометна репрезентација, г-дин Кирил Лазаров го објавува поширокиот список

Информација

Почитувани спортски пријатели, Ве информираме дека г-дин Славе Николов поради зголемен ангажман како