Младинската машка репрезентација со победа против фаворитот Франција го заврши учеството на MEN’S 20 EHF EURO 2024, и конечниот пласман е на 9-тата позиција на ЕП.

Македонската младинска репрезентација разигруваше за пласман од 9-то до 16-то место на MEN’S 20 EHF EURO 2024, а согласно системот на натпреварување прво оддигра три натпревари против Полска (победа 28:26) , Романија (победа 31:26) и Франција (пораз 18:25), за потоа да оддигра и натпревари за конечен пласман од 9-то до 12-то место.

За конечниот пласман младинците се сретнаа со селекцијата на Унгарија и славеа победа со резултат 27:26, а потоа и во последниот натпревар од ЕП играа против Франција и запишаа уште една победа 30:29 и го завршија настапот на ЕП на 9-тото место.

Младинската машка ракометна репрезентаицја на Македонија обезбеди настап на Светското Првенство во Полска кое ќе се оддржи во 2025 година.