Сениорската репрезентација на Македонија против Израел го одигра последниот подготвителен натпревар пред настапот на СП 2023 што ќе се одржи во Полска и Шведска.

Ракометарите на Македонија запишаа победа во овој натпревар со резултат 38:37, на полувреме 23:19. Најефикасен за нашата репрезетација беше Дејан Манасков со единаесет постигнати погодоци, Филип Кузмановски постигна шест погодоци.

Репрезентацијата на Македонија на претстојното СП е дел од групата Ф заедно со репрезетнациите на Холандија, Норвешка и Аргентина.

Настапот на македонските ракометари на СП започнува на 13.01 против Норвешка во 20:30 часот.