Пораз во добра игра против Франција

Пораз во добра игра против Франција

Македонската ракометна репрезентација со пораз од 30-23 од фаворизираната Франција го отвори Европското првенство, но остана впечатокот за добрата и пожртвувана игра на нашите ракометари, кои одржуваа активен резултат до самиот крај на средбата.

Натпреварот го почнавме добро и храбро против актуелниот светски, европски и олимписки шампион. Избраниците на Ивица Обрван играа без притисок, лесно и едноставно, што донесе ефикасна завршница, дури и можност за атракции како двојниот цепелин во режија на Кире Лазаров и Дејан Манасков кој ги преплави европските медиуми. Ниту една од двете репрезентации не успеа резултатски да се одлепи во изедначеното прво полувреме во кое Македонија на моменти водеше и со 2 гола разлика, па на пауза се замина со изедначени 12-12.

Второто полувреме продолжи со изедначена игра на двете страни. Борко Ристовски имаше свои минути на голот на Македонија и со неколку одлични одбрани успеваше да го одржи активниот резултат и во моментите кога имавме проблеми со реализацијата на нападите. На помалку од 10 минути до крајот резултатот беше изедначен (22-22), но тогаш Французите направија серија од 5-0, која им ги донесе конечните 30-23, нереални во однос на случувањата на теренот.

Капитенот Кирил Лазаров со 9 постигнати погодоци беше најдобар стрелец во нашиот состав, каде 5 гола дополни Дејан Манасков, 4 постигна Гоце Георгиевски, стрелец на 2 гола беше Филип Миркуловски, а реализатори на по 1 погодок беа Стоилов, Прибак и младиот Кузмановски. Борко Ристовски беше одличен на голот на нашата репрезентација и со 10 одбранети удари на противникот, по натпреварот ја понесе МВП наградата.

Утре е слободен ден во нашата група, а натпреварите од второто коло се играат во недела. Македонија од 20:30 часот ќе се сретне со домаќинот Полска, кој денеска во тесна завршница ја победи Србија со 29-28.

viki1 viki4

Сподели:
Share on facebook
Facebook
Share on twitter
Twitter
Share on linkedin
LinkedIn

Останати вести

Информација

Почитувани спортски пријатели, Ве известуваме дека за ракометниот натпревар во рамките на ЕХФ

Информација до медиуми

Почитувани претставници на медиумите, Ракометната Федерација на Македонија Ве информира дека апликациите за акредитации

Информација

По претходно донесена одлука на Управниот Одбор, денес Ракометната Федерација на Македонија ја