Пораз на сениорките од Австрија

Пораз на сениорките од Австрија

Македонската женска сениорска репрезентација по вчерашната победа над Фарски Острови, денеска доживеа пораз од Австрија со 28-19 во вториот меч од квалификациите за СП. Утре во последниот меч од турнирот Македонија се среќава со Исланд.

И покрај тоа што играше солидно во поголемиот дел од средбата, нашата репрезентација на крајот загуби од фаворизираниот противник со 9 голови разлика. Мечот во Торшавн почна со неколку промени на водството за двете репрезентации, додека Теодора Керамичиева со 4 голови, заедно со Елена Ѓорѓијевска го предводеа нападот на нашиот тим. Македонија водеше со 5-4 по првите 10 минути игра, но следуваше период на деконцентрација во нашиот тим, неколку загубени топки во напад кои Австријките знаеја да ги претворат во реализации преку контра напади и Австрија го превзема водството. Избраничките на Симе Симовски ја консолидираа играта до крајот на полувремето, но на пауза се замина со предност на Австрија од 14-10.

На стартот на второто полувреме, одлична на нашиот гол беше Наташа Антиќ, а со головите на Ливриниќ и Саздовска, Македонија се доближи до 14-12. Сепак, не успеаја нашите репрезентативки да го одржат истото темпо, неколкуте промашени шутеви од чисти ситуации, како и погодените стативи во нападот донесоа нов подолг период без гол за Македонија, а Австрија тоа и во оваа ситуација знаеше да го казни со што се одлепи на веќе недостижна разлика. Во завршницата Австријките дополнително го зголемија водството за конечни 28-19.

Сара Ристовска и на овој натпревар беше прв стрелец во нашиот тим со 8 постигнати голови, а Теодора Керамичиева го заврши мечот со 6. Елена Ѓорѓијевска и Елена Ливриниќ постигнаа по 2 гола, а во листата на стрелци со 1 гол се запиша и Јована Саздовска.

Вечерва во квалификациската група Исланд и Фарски Острови ќе го комплетираат колото, а утре во завршниот ден од турнирот, Македонија ќе се сретне со Исланд од 17:00 часот. Најдобропласираните две селекции од групата обезбедуваат место во баражот за Светското Првенство 2017 година.

Сподели:
Facebook
Twitter
LinkedIn

Останати вести

Селекторот на машката сениорска ракометна репрезентација Кирил Лазаров го објавува поширокиот список на ракометари за претстојните натпревари во рамки на Men’s EHF EURO 2024 Qualifiers

Селекторот на машката сениорска ракометна репрезентација, г-дин Кирил Лазаров го објавува поширокиот список

Информација

Почитувани спортски пријатели, Ве информираме дека г-дин Славе Николов поради зголемен ангажман како