Вечерва забележана првата победа на Македонската сениорска репрезентација против репрезентацијата на Турција.

Во еуфорична атмосфера , преполна сала се одигра натпреварот помеѓу Македонија и Турција.

Во првото полувреме репрезентацијата уште од самиот почеток го превзеде водството и одржуваше континуирана предност и во одреден период изнесуваше 6 голови. Првото полувреме заврши со водство на Македонија (17-13).

Во второто полувреме Македонија во еден период од натпреварот имаше и 8 голови предност, потоа следеше благ пад во играта на репрезентацијата, серија неискористени напади предводеа до намалување на предноста, конечниот резултат на натпреварот 31-27 во корист на Македонија.

Најдобар стрелец за Македонија беше Кире Лазаров со 8 постигнати погодоци, потоа Манасков со 6 погодоци, додека за репрезентацијата на Турција листата на стрелци ја предводеше Горкем Бицер со 6 погодоци.

Официјален записник од натпреварот.

Следен натпревар од квалификацискиот циклус за ЕП 2020 е против репрезентацијата на Грција 28.10.2018 г.( недела) 16:00 часот.