Младинците убедливи против Брукина Фасо за втора победа на СП

Младинците убедливи против Брукина Фасо за втора победа на СП

Младинската машка ракометна репрезентација на Македонија (до 21 година) ја оствари втората победа од исто толку одиграни натпревари на Светското Првенство во Алжир, откако денеска со убедливи 48-20 ја совлада селекцијата на Брукина Фасо.

По првите 10 минути од средбата веќе беше 8-2 за Македонија, а првото двоцифрено водство дојде во 20-та минута кога нашиот состав поведе со 13-3. Селекторот Иле Темелковски ја искористи можноста и да одмори дел од првотимците и да им даде посериозна минутажа на резервните ракометари, додека разликата на семафорот постојано се зголемуваше. На полувреме се замина со 23-8 за Македонија, а рутинската завршница ги донесе конечните 48-20.

Димитар Димитриоски со 8 голови заврши како прв стрелец во нашиот тим, Дарио Петровски додаде 7 голови, а по 6 реализираа Иван Џонов и Давор Палевски. Лазаревски, Танкоски и Шилегов постигнаа по 5 гола, а во листата на стрелци се запишаа и Нелоски со 2, односно Јагуриновски, Велковски, Кузмановски и Крстевски со по 1 гол.

Со оваа втора победа во втората средба, Македонија го дели првото место на табелата со селекцијата на Шпанија. По една победа досега имаат Тунис и Бразил, додека без триумф се Русија и Брукина Фасо. Утре на програмата е веќе третото коло, во кое Македонија се среќава со Тунис од 19:00 часот по македонско време.

Сподели:
Share on facebook
Facebook
Share on twitter
Twitter
Share on linkedin
LinkedIn

Останати вести

Информација

Почитувани спортски пријатели, Ве известуваме дека за ракометниот натпревар во рамките на ЕХФ

Информација до медиуми

Почитувани претставници на медиумите, Ракометната Федерација на Македонија Ве информира дека апликациите за акредитации

Информација

По претходно донесена одлука на Управниот Одбор, денес Ракометната Федерација на Македонија ја