Младинките поразени од Франција за крај на Квалификациите за СП

Младинките поразени од Франција за крај на Квалификациите за СП

Женската младинска репрезентација на Македонија не успеа да се пласира на завршницата на Светското Првенство, откако во последната рунда од квалификацискиот турнир загуби од домаќинот Франција со 33-21.

Со ова, нашите ракометарки го завршија турнирот на третото место со една победа и два порази, не доволно за пласман на Светското Првенство 2016.

На денешната средба, фаворизираниот домаќин уште од стартот предводен од Кифер и Сила направи предност од 10-3 која ја одржуваше до крајот. Слично како и на претходната средба со Словенија, нашите репрезентативки имаа добра завршница на првото полувреме во која се приближија до достижни 14-12, но Французинките веднаш вратија со три гола во низа и повторно се одлепија на солидна предност.

И покрај обидите на Македонија за ново враќање во второто полувреме, најмногу успеавме да се доближиме до 20-17 во 37 минута. Следуваа 10 минути во кој Франција постигна 8 гола а прими само 1, со што ги разреши дилемите околу победникот на натпреварот. Во завршницата домашниот состав и дополнително ја зголеми разликата за конечни 33-21.

Наташа Нолевска со 6 голови беше најпрецизна во нашиот тим, каде по 4 погодоци додадоа Ристовска и Гичевска. Од останатите стрелци, Сара Митова постигна 3 гола, Керамичиева 2, а Стојановска и Бојаџиска натпреварот го завршија со по 1 гол.

Сподели:
Share on facebook
Facebook
Share on twitter
Twitter
Share on linkedin
LinkedIn

Останати вести

Информација

Почитувани спортски пријатели, Ве известуваме дека за ракометниот натпревар во рамките на ЕХФ

Информација до медиуми

Почитувани претставници на медиумите, Ракометната Федерација на Македонија Ве информира дека апликациите за акредитации