Младинките обезбедија пласман на ЕП

Младинките обезбедија пласман на ЕП

Со одлична игра во одлучувачкиот натпревар за пласман на ЕП 2017, Македонската женска младинска репрезентација ја совлада соодветната селекција на Фарски Острови со 23-19 и обезбеди учество на континенталниот собир што летово ќе се одржи во Словенија.

На натпреварот со кој се затвори квалификациската група во СРЦ „Кале“, Фарски Острови подобро почнаа и одржуваа минимално водство во првите 10-тина минути. Но во продолжението, предводени од Гичевска и Гајиќ, македонските репрезентативки направија пресврт и на пауза заминаа со солидна предност од 15-10.

Разликата се зголеми во првиот дел од второто полувреме, па и покрај повремените падови во играта, пред се во нападот, нашите ракометарки не дозволија противникот во ниту еден момент посериозно да се понадева на пресврт. Рутинската завршница ги донесе конечните 23-19, со кои Македонија го зацврсти второто место на табелата зад Унгарија и обезбеди учество на Европското Првенство што летово ќе се игра во Словенија.

Леонида Гичевска со 7 голови беше прв стрелец во нашиот тим, а 6 голови додаде Марија Гајиќ. Анастасија Николовска играше одличен меч кој го заврши со 3 голови, а исто толку постигна и Сара Стефановска. Во листата на стрелци со по еден гол се запишаа и Глигоријадис, Граматова, Иванова, и Камческа.

По завршувањето на квалификациите, Македонија е една од 16-те репрезентации кои ќе настапат на Европското Првенство. Потсетуваме, оваа генерација ракометарки играше Европско Првенство и пред две години, кога организатор на континенталнот собир беше Македонија.

Сподели:
Share on facebook
Facebook
Share on twitter
Twitter
Share on linkedin
LinkedIn

Останати вести

ИЗВЕСТУВАЊЕ

Управниот Одбор на Ракометната Федерација на Македонија донесе Одлука по пристигнато барање од

Известување до медиуми

Ракометната Федерација на Македонија Ве информира дека апликациите за акредитирање на претставниците на медиумите за