Македонија сигурна против Ангола за втора победа на СП

Македонија сигурна против Ангола за втора победа на СП

Сениорската машка репрезентација на Македонија ја оствари и втората победа во вториот натпревар на Светското Првенство, откако синоќа во Мец ја совлада селекцијата на Ангола со 31-22.

И покрај тоа што резултатот беше генерално изедначен во првите минути од натпреварот, нашите ракометари постојано ја контролираа играта, што до крајот на првото полувреме резултираше со предност од 14-9. Ангола на самиот старт на второто полувреме успеа да намали на 15-13, но веднаш потоа Македонија стигна до нова серија со која се искачи и на двоцифрена предност која ја одржуваше до крајот од средбата. Во рутинската завршница нашата репрезентација само ја потврди сигурната победа од 31-22.

Кирил Лазаров со 10 постигнати голови повторно беше прв стрелец во нашиот состав, а пет голови додаде Гоце Георгиевски, кој по натпреварот го доби и МВП признанието. Филип Лазаров беше стрелец на три гола, по два додадоа Манасков, Стоилов и Никола Марковски, а два гола постигна и нашиот голман Благојче Трајковски. Во листата на стрелци со по еден гол се запишаа и Митков, Талески, Миркуловски, Ојлески и Поповски.

Со оваа втора победа, Македонија останува на делба на првата позиција на табелата со Шпанија и Словенија со досега максимален учинок. Следна за нашата репрезентација е средбата со Словенија што ќе се игра во понеделник од 17:45.

Сподели:
Facebook
Twitter
LinkedIn

Останати вести

Селекторот на машката сениорска ракометна репрезентација Кирил Лазаров го објавува поширокиот список на ракометари за претстојните натпревари во рамки на Men’s EHF EURO 2024 Qualifiers

Селекторот на машката сениорска ракометна репрезентација, г-дин Кирил Лазаров го објавува поширокиот список

Информација

Почитувани спортски пријатели, Ве информираме дека г-дин Славе Николов поради зголемен ангажман како