По одредувањето на натпреварувачките броеви на состанокот во понеделникот, познати се комплетните распореди на одигрување на натпреварите од Плејофот и Плејаутот во машка кокуренција.
Во Плејоф лигата, на четирите најдобропласирани екипи од Суперлигата (Металург, Работнички, Охрид и Прилеп) им се приклучија двете екипи кои во првиот дел од сезоната настапуваа во СЕХА лигата – актуелниот шампион Вардар и Струмица. Во Плејофот, сите шест екипи почнуваат од нула бодови.
Во Плејаут лигата ќе играат шесте преостанати екипи кои завршија од 5-та до 10-та позизија во овогодинешната Суперлига. Тие ќе ги задржат бодовите од меѓусебните дуели во Суперлигата.
