ВД Селекторот на Женската кадетска репрезентација на Македонија, Јулијана Дамчевска, го објави списокот од 25 ракометарки кои ги повика за првиот собир од подготовките за ЕХФ Шампионатот што ќе се игра во Скопје од 31 јули до 6 август 2017 година.

Собирот ќе се одржи во вторник (30 мај 2017 година) со почеток од 20:00 часот во Спортската сала „Автокоманда“ во Скопје.

Повикани ракометарки за Кадетска репрезентација на Македонија:

Јована Мицевска, Амра Илјаз, Андреа Илиж, Теа Кркачева, Милица Николиќ, Јана Калајџиева, Мартина Стефановска, Анастасија Нелоска, Мила Трајковиќ, Наталија Пецанова, Ана Марија Божиновска, Тамара Ивановска, Ивана Блажевска, Јована Кипријановска, Стефанија Тасевска, Марија Тасевска, Билјана Диневска, Билјана Дамчевска, Ивона Трпевска, Антонела Ристовска, Мери Спировска, Аида Брунчевиќ, Аида Смајловска, Ивона Блажевска, Мила Алексоска.

Натпреварите од ЕХФ Шампионатот ќе се играат во СРЦ „Кале“ во Скопје во периодот од 31 јули до 6 август, а ќе настапат вкупно 10 репрезентации поделени во две групи. Македонија се наоѓа во групата А заедно со селекциите на Полска, Швајцарија, Грција и Фарски Острови.