Кадетите четвртопласирани на ЕХФ Шампионатот во Грузија

Кадетите четвртопласирани на ЕХФ Шампионатот во Грузија

Кадетската репрезентација на Македонија (до 18 години) загуби во натпреварот за бронзата против селекцијата на Швајцарија со 35-31, со што го заврши ЕХФ Шампионатот на четвртата позиција. Двајца ракометари од нашата селекција беа избрани во најдобриот тим на Првенството.

И покрај тоа што нашите репрезентативци ја совладаа Швајцарија во меѓусебниот дуел во групната фаза, на денешниот последен меч за тимот на Данило Брестовац на ЕХФ Шампионатот во Грузија, ракометарите на Швајцарија излегоа како победници и го освоија бронзениот медал.

Натпреварот генерално беше изедначен, Македонија водеше во поголемиот дел од првото полувреме, но во текот на второто полувреме се играше со доста пресврти. Во завршницата се влезе со изедначен резултат (28-28), а Швајцарија со поефикасна игра во последните минути стигна до триумф од 35-31.

Серафимов и Костески со искомбинирани 13 голови беа најдобри стрелци во нашиот тим, Симоновски додаде 5 гола, стрелци на по 4 погодоци беа Митиќ и Џигероски, 3 реализираше Георгиев, додека по еден гол постигнаа Кондев и Карапалески.

На свечената церемонија по завршувањето на финалниот меч од турнирот, доделени беа и индивидуалните награди. Мартин Серафимов беше избран за најдобар десен бек а воедно беше и втор најдобар стрелец на ЕХФ Шампионатот со 54 постигнати голови, додека Ненад Костески го доби признанието за најдобро десно крило на турнирот.

Сподели:
Share on facebook
Facebook
Share on twitter
Twitter
Share on linkedin
LinkedIn

Останати вести

Информација

Почитувани спортски пријатели, Ве известуваме дека за ракометниот натпревар во рамките на ЕХФ

Информација до медиуми

Почитувани претставници на медиумите, Ракометната Федерација на Македонија Ве информира дека апликациите за акредитации