Во првиот полуфинален натпревар од Женскиот Куп се сретнаа бранителот на титулата ЖРК Вардар против екипата на ЖРК Стружанка. Екипата на ЖРК Вардар беше поуспешна со резултат 27-18, на полувреме 16-12.
Двете екипи во почетните минути од натпреварот беа максимално изедначени се до 19-тата минута кога ЖРК Вардар го забележа своето најголемо водство од 11-07. До крајот на првиот дел ЖРК Вардар го задржа водството и на полувреме си замина со резултат 16-12.
Во вториот дел двете екипи играа цврсто во одбраната и тешко се постигнуваше гол. Екипата на ЖРК Вардар на осум минути пред крајот на натпреварот имаше и седум голови предност (24-17), но на крај конечен резултат на натпреварот беше 27-18 (записник од натпреварот).
Најефикасни ракометарки беше Ангела Костовиќ (ЖРК Вардар) и Теодора Маркоска (ЖРК Стружанка) со по 7 погодоци.
Во 20:00 часот се одигра и вториот полуфинален натпревар помеѓу домакинот ЖРК Куманово и екипата на ЖРК Металург. Натпреварот заврши со резултат 29-22 во корист за ЖРК Куманово.
Натпреварот започна изедначено, со голема борба и цврста игра во одбраната. ЖРК Куманово стигна до рано водсто 4:2 и до 6:3, потоа ЖРК Металург изедначи на 8:8. Падот на играта на ЖРК Металург успешно го искористи домаќинот и на полувреме замина со резултат 15:10.
Второто полувреме започна со серија од 3-0 за ЖРК Куманово (18-10), водство кое го одржуваа до самиот крај на натпреварот.
Конечен резултат на натпреварот ЖРК Куманово – ЖРК Металург 29-22 (записник од натпрварот).
Шарановиќ Ана со 9 погодоци и Сања Дабевска беа најефикасни ракометарки за екипата на ЖРК Куманово, додека Јана Калајџиевска со 7 погодоци и Леонида Гичевска со 5 погодоци беа најефикасни за ЖРК Металург.
Сабота (11.05.19) во 16:00 часот во СС “Куманово” ќе се одигра Женското Куп финале помеѓу домаќинот ЖРК Куманово и бранителот на титулата ЖРК Вардар.
