Селекторот на Сениорската машка ракометна репрезентација на Македонија, Лино Червар, го објави скратениот список на ракометари што ги повика за квалификациските натпревари против Украина и Чешка за пласман на ЕП Хрватска 2018.
Првиот собир на репрезентацијата ќе се одржи во хотелот Парк СПА во Скопје на 30 октомври 2016 (недела) со почеток од 16:30 часот. Червар за првиот собир повика 21 ракометар.
Дополнување: Ракометарот на РК Пролет 62 од Скопје, Ласко Андоновски е дополнително повикан од селекторот Лино Червар да присуствува на првиот собир на репрезентацијата.
Првиот натпревар од Квалификациите за ЕП 2018 нашата репрезентација ќе го одигра на 2 ноември во Скопје против Украина, додека на 5 ноември и гостуваме на селекцијата на Чешка. Во нашата квалификациска група се наоѓа и репрезентацијата на Исланд.
