Нерешено со европскиот шампион – Македонија прва во Групата Ц

Нерешено со европскиот шампион – Македонија прва во Групата Ц

Сениорската машка ракометна репрезентација на Македонија ја продолжи низата одлични игри на Европското Првенство во Хрватска и одигрувајќи нерешно против актуелниот шампион Германија, без пораз ја заврши групната фаза на првото место и пренесе одлични три бода во втората фаза во Вараждин.

Избраниците на Раул Гонзалез имаа водство од три гола во неколку наврати во првото полувреме, а и покрај тоа што Германија успеа со серија од 8-2 да направи пресврт и да поведе со 11-8, Македонија до паузата намали на 12-11. Во второто полувреме главно се играше гол-за-гол, Македонија повторно дојде до 3 гола предност (19-16), но Германците и овој пат ја анулираа одведувајќи го мечот во неизвесна завршница. Нашата селекција имаше можност да дојде и до победа, но по нереализираниот последен напад, Македонија успеа да се одбрани и од нападот на Германија во последните секунди за конечни 25-25.

Филип Талески со 6 голови беше најпрецизен во нашиот тим, Дејан Манасков и Кирил Лазаров постигнаа по 5. Жарко Пешевски и овој натпревар го заврши со стопроцентна реализација постигнувајќи три гола, а три гола додаде и Стојанче Стоилов. Во листата на стрелци се запишаа уште Кузмановски со два погодоци и Поповски со 1 гол. Одличен на голот на Македонија на средбата беше Борко Ристовски со 12 одбранети удари, за што го доби признанието за најкорисен играч на натпреварот.

Како и на сите претходни, така и на оваа средба, Македонија ја одликуваше фантастична тимска игра и максимална борбеност за секоја топка. Нерешениот резултат на крајот и носи на нашата селекција прво место во групата Ц, оставајќи ги Европскиот Шампион – Германија и освојувачот на бронзата на последното Светско Првенство – Словенија, зад себе на табелата.

Македонија патува во втората фаза во Вараждин со пренесени 3 бода што ја става на првата позиција пред конкурентите. Покрај Германија која има два бода и Словенија која има еден, со по два бода во групата доаѓаат и Шпанија, Данска и Чешка кои ќе бидат следните противници на нашите репрезентативци. Следуваат три слободни дена за Македонија, а првиот натпревар од главната фаза го играме на 21 јануари од 20:30 часот кога за противник ќе ја имаме Шпанија.

Сподели:
Share on facebook
Facebook
Share on twitter
Twitter
Share on linkedin
LinkedIn

Останати вести

Информација

Почитувани спортски пријатели, Ве известуваме дека за ракометниот натпревар во рамките на ЕХФ

Информација до медиуми

Почитувани претставници на медиумите, Ракометната Федерација на Македонија Ве информира дека апликациите за акредитации

Информација

По претходно донесена одлука на Управниот Одбор, денес Ракометната Федерација на Македонија ја