Кадетите сигурни против Кипар за старт на ЕХФ Шампионатот

Кадетите сигурни против Кипар за старт на ЕХФ Шампионатот

Кадетската машка репрезентација на Македонија (до 18 години) со победа од 36-17 против Кипар го почна ЕХФ Шампионатот што се одржува во Бугарија. Избраниците на Иле Темелковски одржуваа високо водство во текот на целата средба и заслужено стигнаа до првиот триумф.

Уште од самиот почеток на натпреварот, нашите репрезентативци со цврста и квалитетна тимска игра во одбраната ги контролираа случувањата на теренот. Реализациите на Димитриоски и Шилегов главно преку контри и полу-контри обезбедија почетна сигурна предност која постојано се зголемуваше. На полувреме Македонија замина со водство од 22-7, а во продолжението селекторот Темелковски им даде шанса на сите ракометари и ја искористи можноста подобро да го воигра тимот пред продолжението на Шампионатот. Во рутинската завршница, Македонија оствари конечен триумф од 36-17.

Димитриоски и Шилегов со по 7 голови беа најпрецизни во нашиот тим, а 6 гола додаде Дарио Петровски. Стрелци на по 3 гола беа Димитровски и Ѓошевски, по 2 постигнаа Серафимов, Кукуловски и Крстевски, а по еден гол реализираа уште Илиески, Јагуриновски, Танкоски и Арсеновски.

ЕХФ Шампионатот за нашиот состав продолжува утре со натпреварот против Ерменија од 14:00 часот по македонско време. Во среда се среќаваме со Украина, а потоа во четврток е слободен ден пред последните два натпревари од групата против Косово и Унгарија.

Сподели:
Share on facebook
Facebook
Share on twitter
Twitter
Share on linkedin
LinkedIn

Останати вести

Информација

Почитувани спортски пријатели, Ве известуваме дека за ракометниот натпревар во рамките на ЕХФ

Информација до медиуми

Почитувани претставници на медиумите, Ракометната Федерација на Македонија Ве информира дека апликациите за акредитации