Женската сениорска ракометна репрезентација на Македонија во квалификациите за ЕП 2016 во Шведска ќе игра во групата 4 против селекциите на Црна Гора, Хрватска и на Словенија.

Новиот квалификациски циклус стартува во октомври.
Во периодот од 7 до 11 октомври ќе се одиграат натпревари од првите две кола. Втората фаза е од 9 до 13 март 2016 година, а завршните две рунди  ќе се играат од 1 до 5 јуни 2016 година.

Европското првенство ќе се одржи од 4 до 18 декември 2016 година во Шведска. Домаќини се градовите Стокхолм, Кристијанштад, Малме, Хелсинборг и Гетеборг. Покрај репрезентацијата на домаќинот Шведска која е директен учесник, преку квалификациите пласман на ЕП ќе обезбедат првите две селекции од секоја група.