Наши пријатели

Пораз на Македонија од репрезентацијата на Исланд

reprezentacija (1)

Репрезентацијата на Македонија во продолжението на Светското првенство ќе игра во Президент Куп. Вечерва Македонија беше поразена од селекцијата на Исланд (22-24) и го зазема четвртото место на конечната табела во Прелиминарниот дел од шампионатот.

Македонија подобро го отвори натпреварот, по седум минути имаше водство од 4-1, но противникот успеа да се врати во игра и израмни а 4-4.

И во периодот што следеше Македонија имаше резултатска контрола, иако резултатот беше тесен, се играше гол за гол.

Водеше Македонија во текот на целото прво полувреме со еден гол разлика, а во финишот зголемивме на 11-9, па на одмор заминуваме со плус два (13-11).

Во второто полувреме го испуштивме водството по десетина минути игра. Исланд израмни  на 16-16, потоа и поведе за прв пат во вториот дел 17-16, 18-16.

Македонија израмни на 20-20, но потоа пропуштивме неколку можности, противникот поведе со 23-21 и предноста ја задржа до крајот на мечот.

Дејан Манасков и Кирил Лазаров со по пет гола беа најефикасни во тимот на Македонија, додека за репрезентацијата на Исланд најефикасен поединец беше Тор Гунарсон со 10 погодоци.

Официјален записни од натпреварот

Следниот противник ни е Русија, а средбата ќе се игра во сабота од 13:00 часот во Ланксес Арена во Келн.

SP 2019 (rakomet) Makedonija-Island 17.01.2019-7314 SP 2019 (rakomet) Makedonija-Island 17.01.2019-7613

Слични вести

Ракометна Федерација на Македонија, бул. "Кузман Јосифовски - Питу" бр. 15, 1000 Скопје © 2015 Copyright