Наши пријатели

Извлечени противниците на Македонија во Квалификациите за Младинското машко ЕП и Јуниорското женско СП 2016

CTwlRnUWcAAJn_4

Машката младинска репрезентација во Квалификациите за ЕП 2016 ќе игра во група со Швајцарија, Црна Гора и Фарски Острови, на турнир што ќе се одржи во Швајцарија. Женската младинска репрезентација, во квалификациите за СП 2016, ќе ги одмери силите со Франција, Словенија и Израел, на турнир во Израел.

Машката младинска репрезентација на Македонија (до 20 години) во периодот од 8 до 10 април ќе настапи на Квалификацискиот турнир што ќе се одржи во Швајцарија, а противници на нашата репрезентација во борбата за место на ЕП ќе бидат домаќинот Швајцарија, Црна Гора и Фарски Острови.

Според системот на квалификации, од овој турнир на ЕП ќе патуваат најдобропласираните две репрезентации од групата. Европското Првенство за младинци ќе се одржи во Данска од 28 јули од 7 август 2016 година.

CTwsgxVWIAADnLx

Женската јуниорска репрезентација на Македонија (до 20 години), беше извлечена во силна група со Франција, Словенија и Израел, а Квалификацискиот турнир за пласман на СП ќе се одигра во Израел. Само најдобропласираната репрезентација од оваа група ќе се пласира на Светското Првенство што наредното лето ќе се одигра во Русија.

Слични вести

Ракометна Федерација на Македонија, бул. "Кузман Јосифовски - Питу" бр. 15, 1000 Скопје © 2015 Copyright