Наши пријатели

Сениорките подобри од Фарски Острови во Квалификациите за СП

ЉЊРЕТЅ

Сениорската женска репрезентација на Македонија успешно го стартуваше квалификацискиот турнир за СП 2017, откако денеска во првата средба во Торшавн го совлада домаќинот на турнирот Фарски Острови со 21-19.

Избраничките на Симе Симовски стигнаа до победата со подобра игра во второто полувреме, откако по првите 30 минути од натпреварот резултатот беше изедначен (8-8). Иако нашите репрезентативки подобро го отворија натпреварот и поведоа со 3-1, домаќинот ја консолидираше играта и до паузата ја анулираше негативата.

Се играше гол-за-гол во првите минути од второто полувреме, но следуваше период на неколку добри одбрани во низа на Матеја Серафимова, а на спротивната страна успешни беа Ристовска и Саздовска од крилните позиции како и Ливриниќ и Керамичиева кои ја предводеа бековската линија. Македонија во 45-та минута стигна до предност од 3 голови која знаеше како да ја одржи до крајот на натпреварот за мирна завршница и заслужен триумф од 21-19.

Најдобар стрелец во македонскиот состав беше Сара Ристовска со 6 постигнати погодоци, а Саздовска и Керамичиева реализираа по 4. Ливриниќ и Елена Ѓеорѓијевска беа стрелци на по 2 гола, додека во листата на стрелци се запишаа и Душица Ѓорѓијевска, Десподовска и Трпковска со по една реализација.

Нашата женска сениорска репрезентација утре (сабота) го продолжува настапот на квалификацискиот турнир за СП со натпревар против Австрија закажан од 16:00 часот. Селекцијата на Австрија денеска во првата средба доживеа пораз од Исланд со 28-24. Во последното коло во недела, Македонија ќе игра против Исланд од 17:00 часот. Најдобропласираните две селекции од групата ќе обезбедат пласман во бараж натпреварите за СП.

Слични вести

Ракометна Федерација на Македонија, бул. "Кузман Јосифовски - Питу" бр. 15, 1000 Скопје © 2015 Copyright