Денеска на утринскиот тренинг на сениорската репрезентација, Претседателот на Р.Македонија – Ѓорѓе Иванов ги посети ракометарите и им посака успешен настап на големиот европски собир.
Иванов при посетата на тренингот, кратко поразговара со репрезентативците и им подари македонско знаме. Претседателот на РФМ, Живко Мукаетов заедно со играчите и комплетниот стручен штаб се заблагодарија за поддршката и на Иванов му подарија дрес со бројот 1.
Нашата сениорска репрезентација попладнево ќе го одработи последниот тренинг пред заминувањето за Краков кое е предвидено за утре точно на пладне. Според планот, Македонија веќе утре вечер ќе го одработи првиот тренинг во Краков, а првиот натпревар на Европското Првенство ќе го одиграме во петок од 18:00 часот против Франција.
Фото: Филип Вирановски