Победнички почеток на машките екипи на турнирот во Брашов. Девојките стартуваат попладнево | Ракометна Федерација на Македонија
Наши пријатели

Победнички почеток на машките екипи на турнирот во Брашов. Девојките стартуваат попладнево

Две машки екипи од Националната Спортска Академија, до 18 и до 16 години, денеска со победи го отворија настапот на меѓународниот турнир во Брашов. Селекцијата до 18 години оствари триумф над Пјатра Неамт од 27-20, додека селекцијата до 16 години славеше над Маи Плоешти со 18-16.

Инаку денеска во текот на целиот ден нашите вкупно седум селекции (4 во машка и 3 во женска конкуренција) ќе играат натпревари, а дел од нив уште во првиот ден имаат закажано по две средби. Женските селекции своите први натпревари ќе ги играат попладнево од 14:30 часот по локално време.

„Ова се многу значајни натпревари за овие млади момци и девојки. Меѓународното искуство секако дека има големо значење за развојот на нивните кариери, а на вакви натпревари со нови противници можеме и ние подобро да увидиме како напредуваме и на што во иднина повеќе да се фокусираме. Забележувам уште на почетокот голема мотивација кај целата група. Наша цел е да одиграме максимално пожртвувано на сите средби и во што подобро светло да ја претставиме нашата земја“, вели Љупчо Станковски, менторот на Академијата.

Меѓународниот турнир во Брашов, на кој учествуваат вкупно 40 екипи, трае до недела.

DSC_0035

 

DSC_0043

 

DSC_0054

 

DSC_0041

Слични вести

Ракометна Федерација на Македонија, бул. "Кузман Јосифовски - Питу" бр. 15, 1000 Скопје © 2015 Copyright