Наши пријатели

Младинките во силна група со Норвешка, Русија и Хрватска на ЕП во Словенија

001

Младинската женска репрезентација на Македонија (до 19 години) ги доби противниците од групната фаза на Европското Првенство што од 27 јули до 6 август ќе се игра во Целје, Словенија.

Жребката сакаше избраничките на селекторот Борче Марковски да се најдат во групата Б заедно со актуелниот освојувач на сребрениот медал – Русија, како и силните селекции на Хрватска и Норвешка. Групната фаза Македонија ќе ја почне со натпревар против Хрватска, во вториот натпреварувачки ден ќе се сретне со Русија, додека во последниот меч од групата ќе игра против Норвешка. Најдобропласираните две селекции од групата продолжуваат во борба за медали, додека трето и четвртопласираните ќе се натпреваруваат за пласман од 9-тата до 16-тата позиција.

Оваа генерација на ракометарки пред две години настапи на ЕП што се играше во Скопје завршувајќи на 16-та позиција, а до пласман на ЕП во Словенија стигна по освојувањето на второто место на квалификацискиот турнир на кој настапуваа уште селекциите на Унгарија, Фарски Острови и Молдавија.

Слични вести

Ракометна Федерација на Македонија, бул. "Кузман Јосифовски - Питу" бр. 15, 1000 Скопје © 2015 Copyright