Наши пријатели

Борко Ристовски се враќа на голот на Македонската репрезентација

borko-ristovski-600

Голманот со најголем број на настапи за Македонската машка ракометна репрезентација, по отсуството од Светското Првенство во Франција 2017, повторно ќе го облече националниот дрес и ќе им помогне на репрезентативните колеги во продолжението од Квалификациите за ЕП 2018 година.

Борко Ристовски кој од претходниот селектор беше изоставен од националниот состав, повторно е повикан во репрезентацијата од новиот селектор, Раул Гонзалес. По разговорите со селекторот и со раководните луѓе на РФМ, во кои као заедничка цел е потенциран успехот на македонскиот ракомет, Ристовски прифати да се врати во репрезентативниот состав и да и помогне на македонската репрезентација во квалификациите за пласман на ЕП 2018 во Хрватска.

34-годишниот голман на РК Барселона е меѓу петте ракометари со најголем број настапи во Македонскиот национален состав на официјални натпревари. Ристовски повторно ќе се приклучи на националниот тим во подготовките за двата натпревари против Исланд, кои се од исклучителна важност за пласман на ЕП во Хрватска.

Македонија, Исланд, Чешка и Украина во групата имаат по два освоени бода од две досега одиграни кола. Првиот меч против Исланд се игра во Скопје на 4 мај, додека втората средба во Рејкјавик е закажана за 7 мај. До крајот на Квалификациите за ЕП, Македонија ќе игра уште против Украина на гостински терен и против Чешка дома, во натпревари кои ќе се одиграат на средината на јуни.

Слични вести

Ракометна Федерација на Македонија, бул. "Кузман Јосифовски - Питу" бр. 15, 1000 Скопје © 2015 Copyright